#第260天#
68 人参与
推荐动态
Baga
4年前
你知道嗎？我去大陸嘅時候，諗左好耐用咩方法，你會聽我講等我，雖然最後你都冇。但係你知唔知當我主動同你講一句byebye嘅時候，我用咗幾多心理準備。呢個永遠都係我最大嘅誠意，你亦都係第一個我主動講byebye。至少你當下都應承咗我，你會等我。等我放心少少
#第260天#
Baga
4年前
我第一樣整俾你食嘅係雞蛋。其實嗰日我知隻雞蛋係未熟架，其實係有人同我講得未，搞咁耐。我唯有夾硬攞隻蛋上泥。過當然真係唔熟，你食咗一啖就冇食啦。然後第二次，我就整生酮提拉米蘇俾你。好彩嘅係，我唔知你覺得好唔好食，至少唔覺得難食，然後我有呢個資格做你日後男朋友又好，朋友又好嘅甜品師。我會知道你嘅甜度係幾多，整忌廉嘅時候過濃結度會係幾多，忌廉同蛋糕之間嘅比例要係幾多，先會令到你覺得甜之餘，食起上嚟唔會咁容易嘔。隻雞蛋我整得唔好，但係日後所有嘅甜品，一定至少係生酮嘅情況下，會令你覺得好食，或者叫做至少唔會令你唔舒服。以後你想食嘅甜品，冇生酮食譜都好，你憑空想象嘅都好，只要係你想食嘅，我都會研究佢做生酮食譜。
#第260天#
Baga
4年前
你知道嗎？我會堅持己見，會唔聽你講，會串你，會唔想講byebye。但係每次當你同我講咁收線啦，係咪想第三次嘅時候，我即刻你話點就點。其實，我知你知我怕我搵唔到你，但係原因呢？你知道嗎？因為我怕失去你，我唔想你唔開心嘅時候，我唔喺你身邊陪住你。我怕任何一件唔開心嘅事，係你自己一個人去面對。所以無論如何多，我覺得我會同你失去聯絡嘅時候，我每一次都會即刻乖乖地，你話點就點。
#第260天#
Baga
4年前
最近硬係覺得自己奇奇怪怪，所以，琴日就飲酒，睇下自己想點。因為今日要返12個鐘，所以都唔敢飲咁多。點知飲咗兩啖就開始喊。呢個喊好奇怪，係啲眼淚不由自主咁流落嚟。但係個心完全冇感覺，連痛都冇，那住又冇，不過啲眼淚就係自動波係咁流，係咁流。正常翻之後，咁啱你就搵我。然後我地講咗好多廢話，但係其實我都係今日睇翻記錄先有印象，但最重要嘅係，我記得我有打facetime俾你。你問我做乜鳩。我自己都想知。其實打俾你冇咩特別嘢要講，但係就係想打。好奇怪。咁啱我細佬又翻嚟，睇嚟要試多次睇下發生咩事。
#第260天#
Baga
4年前
前兩日話陪你飮酒，咁啱約咗fd出去食飯。點知搞晏咗先出去, 我出咗大陸一坐低，就話你準備開始飲。個下真係好想拿拿聲翻澳門。咁當然唔得啦。全程飯我都不停望住隻表。又唔想俾佢知我趕。唯有自己食快啲。全程都心掛掛擔心你。不過呢件事令我明白到我今年最後決定改暑假番工嘅時間係冇錯。淨係食一餐飯我已經咁樣........
初初我係計劃一個星期翻三日工，唔接新job，一日番15個鐘chur爆佢。然後每個星期都出走一次。有計劃嘅時候，我自己都諗左好耐，問我自己真係捨得唔見你咩？掙扎咗好耐。最後6月尾決定所有7月平日盡量翻工時間改曬喺你訓覺或者最冇機會搵我嘅時間。然後再一個星期放一日半假。而8月就安排平日下午都唔洗翻工。某日FaceTime後慶幸自己當日決定咁樣排，唔可以離開澳門，而經過前兩日岀大陸食飯，更加知道就算我離開左澳門，個心都係唔放心你，心掛掛。所以，當你問我暑假係唔係去重慶嘅時候，我同你講唔去了。我決定了今個暑假，或者會覺得穩定嘅時候離開澳門一日半日，但係就絕對唔會離開你過夜，要一直都係你身邊，至少當你需要我嘅時候，可以一個鐘頭內出現喺你面前。等下個假期先諗旅行吧。
#第260天#
Baga
4年前
你還記得我地每一個嘟嘟嗎？每一個嘟嘟都係FaceTime小白嘅嘟嘟。平均每兩個鐘你就會叫我嘟嘟一次，每一個嘟嘟基本上我都有答應，例如: 你話就算我地冇一齊，我地都要做最好最好嘅朋友。例如: 你話就會我有女朋友或者你有男朋友，對方有事一打俾對方，就要即刻岀泥。所有嘅嘟嘟我都可以答應你，答應得你嘅我都會做到，但係唯獨有啲嘟嘟我唔答應你，例如:離開而不要愛你
#第260天#
没有更多了
